සුමේධ විදුහලේ 3 පන්තියේ බාහිර අධ්‍යාපන කටයුතු
මෙම කරුණු සම්බන්ධව දෙමව්පියන් රැසක් අත්සන් කළ ලිපියක් ලැබී ඇත. එම දෙමව්පියන්ගෙන් කිහිප දෙනෙකුගේ පමණක් නම් සඳහන් වී ඇත. එලෙස නම් සඳහන් කිරීම ගැන අපගේ ස්තුතිය පළ කරමු.ඔබ ලිපියේ ඇති චෙස් , ස්ක්‍රැබල් , ඉංග්‍රීසි අධ්‍යාපනය වැනි කරුණු පිළිබඳව පාසලේ ජ්‍යෙෂ්ඨ ගුරු භවතුන් සහ කළමණාකාරීත්වය සාකච්ඡා කළෙමු. එම සාකච්ඡාවෙන් පසුව පහත සඳහන් කරුණු කාරණා ඔබ සැමට නැවත මතක් කර දීමට අප අදහස් කළෙමු.
පළමු කොට මෙලෙස ඔබ සැම සාමුහික වී ඔබගේ අදහස් ඉදිරිපත් කිරීම ගැන අපගේ ස්තුතිය පුද කරමු.
ප්‍රාථමික අවධියේ දී chess හා scrabble ක්‍රීඩාව දරුවෙකුගේ මූලික චිත්ත වර්ධනයට ඉතා වැදගත් බව සියලූ අධ්‍යාපනික දාර්ශනිකයන් පිළිගන්නා කරුණකි. තවද පොතපත නිසා දරුවාට ලැඛෙන ඒකාකාරී පාසල් දිවියේ යම්තාක් දුරට විවිධත්වයක් දීමට මෙම ක්‍රීඩා දෙක සහ අනෙකුත් ක්‍රීඩා ඉතා වැදගත් බවද ප්‍රාථමික අධ්‍යාපනය ගැඹුරින් හැදෑරු සියලූ දෙනාම එකඟ වන කරුණකි.
ඔබ සඳහන් කළ පරිදි ජිම්නාස්ටික් ක්‍රීඩාවද ඉතා වැදගත් බව අපද පිළිගනිමු. එනමුදු 3 වසර වන විට දරුවාට ලබා දිය යුතු පොතපත, පරිපූර්ණ අධ්‍යාපනයට අවශ්‍ය ක්‍රීඩා සහ අනෙකුත් බාහිර කටයුතු බහුල නිසා ජිම්නාස්ටික් ක්‍රීඩාව පාසල් වේලාව තුළ කිරීමට නොහැකිය. එබැවින් 2017 පාසල් වේලාවෙන් පසු අප පවත්වන පුද්ගලික ජිම්නාස්ටික් පන්තිවලට දෙමව්පියන් කැමති නම් දරුවන් සහභාගී කරවීම ඉතා යෝග්‍ය බව අප ද පිළිගන්නා අතර, ඔබ දරුවා 1,2 වසරේ දී ජිම්නාස්ටික් ක්‍රීඩාවේ මූලධර්ම හොඳින් ග්‍රහණය කළහොත් 3 වසරේදී ඔහු තෝරා ගන්නා පිහිනුම් බැඩ්මින්ටන්, මේස පන්දු, ක්‍රිකට් නිසි ලෙස ප්‍රගුණ කිරීමට හැකි වේ.
ඉංග්‍රීසි අධ්‍යාපනය පුළුල් ලෙස කළ යුතුයැයි එම ලිපියේ සඳහන් කිරීම ගැන අප සතුටු වෙමු. ඔබ සඳහන් කළ සැම කරුණකටම ගෞරවය දක්වන අතර, එහි සඳහන් වන ස්ක්‍රැබල් සහ චෙස් නිවසේ දී වැඩිහිටියනට දරුවන් සමඟ ක්‍රීඩා කිරීමට නොහැකි යැයි පැවසීම අප හට එකඟ විය නොහැකිය. ඒ මන්දයත්, දරුවෙකුගේ නිසි වර්ධනයට ඉතා වැදගත් අංගයක් වන නිවසේ දී දෙමව්පිය සහ වැඩිහිටියන් සමඟ සමීප ඇසුර, මෙවැනි ක්‍රීඩා නිවසේ දී කිරීම තුළින් අනිවාර්යෙන් වර්ධනය වන බව මතක් කර දෙමු.
නූතන දරුවෙකු නිසි ලෙස වර්ධනය කිරීමට අවශ්‍ය පොතපත අධ්‍යාපනයේ, ක්‍රීඩා සහ බාහිර කටයුතුවල වෙනස්කම්, සුමේධ විදුහලේ කළමණාකාරීත්වය සහ ජ්‍යෙෂ්ඨ ගුරු මහත්ම මහත්මීන් සංශෝධනය කිරීමට මැලි නොවන බව දන්වනු කැමැත්තෙමු. එලෙස අප කරන වෙනස්කම් කෙතරම් සාර්ථක වේදැයි සැමවිටම අධ්‍යයනය කිරීමට පසු බට වන්නේ නැත.
එබැවින් ස්ක්‍රැබල්, චෙස් ක්‍රීඩාව පන්ති කාමරය තුළ කිරීම ද අප ඉතා කල්පනාකාරීව අධ්‍යයනය කරන අතර අවශ්‍ය යැයි සිතුවහොත් එම ඉගැන්වීම් ක්‍රමවේදවල වෙනස්කම් කිරීමට මැලි නොවන බව දන්වමු.
ස්තුතියි
මීට
කළමණාකාරීත්වය.
No comments