College Day - 2018

College Day

Sumedha College & Vishaka International Pre School Day -2018

සුමේධ විද්‍යාලය සහ විශාකා ජාත්‍යන්තර පෙර පාසල දිවයිනේ දිදුලන පාසල් බවට පත්වීම අප සැමට සතුටට කරුණකි. සෑම වරසකම පෙබරවාරි 17 ට යෙදෙන සභාපතිතුමාගේ උපන් දිනය,  පාසල් දිනය ලෙස නම් කිරීම මීට පෙර සිටි විදුහල්පති ්‍යගඵග චන්ද්‍රසිරි මහතාගේ යෝජනාවක් මත සිදු විය.

අප පාසලේ සියලූ දරුවන්ට, දෙමව්පියන්ට සුබ පැතීමක් ලෙස ද පාසල මෙතෙක්  දියුණු කිරීමට අතහිත දුන් පාසල හැරගිය ගුරු මහත්ම මහත්මීන්, විදුහල්පතිවරුන් සහ අප අතරින් වෙන් වී ගිය ගුරුවරු, දෙමව්පියන්, පාසලට සුබ පතන්නන් හට පින්පතා මෙම දිනය වෙන් කිරීමට පාසල් දෙකෙහිම ගුරු මඬුල්ල සහ කළමණාකාරීත්වය තීරණය කර ඇත.

විශේෂයෙන්ම පාසලේ නිර්මාතෘ වන අප සභාපතිතුමාට සෞඛ්‍යයෙන් පිරිපුන් දීර්ඝායූ පැතීම ද පාසල් දෙකෙහිම ගුරු මණ්ඩලයේ සහ දෙමව්පියන්ගේ පරම යුතුකමක් ලෙස අප හට පෙනේ. එබැවින් මෙම සියලූ කරුණු සාක්ෂාත් කර ගැනීමට පාසල් දිනය නිමිති කරගෙන පවත්වන  පහත සඳහන් ආශිර්වාද සහ පුණ්‍ය කර්ම වැඩසටහන් වලට පාසල් දෙකෙහිම දෙමව්පියන්ට සහභාගී වන ලෙස ඉල්ලා සිටිමු. 

බෝධි පූජාව

2018.02.17 සවස 5.00 ට මැදගම සිරිසුනන්දාරාම විහාරස්ථානයේ විහාරධිපති තුම්මෝදර සමිත සෝම ස්වාමීන් වහන්සේගේ ප‍්‍රධානත්වයෙන් බෝධිපූජාවක් සහ බණ දෙසුමක් පැවැත්වේ. මෙම පින්කමට පෙර පාසලේ සහ සුමේධ විදුහලේ ගුරුවරුන්, දරුවන් සහ දෙමව්පියන් ගේ සහභාගීත්වය බලාපොරොත්තු වෙමු.

ලේ දන්දීමේ මහා පුණ්‍ය කර්මයට දායක වන්න.
වසරක් පාසා පාසල් දිනය  නිමිතිකරගෙන අප පවත්වන ලේ දන්දීමේ මහා පුණ්‍ය කර්මය 2018.02.17  දින පෙ.ව. 8.00 සිට 3.00 දක්වා සුමේධ ශාලාවේ දී පැවැත්වීමට බලාපොරොත්තු වේ.

ඔබේ වටිනා ලේ බිඳක් අසරණ රෝගියකුට හෝ හදිසි ආපදාවකට ලක්වූවෙකුට හෝ පරිත්‍යාග කිරීමෙන් ඔබ මහඟු පුණ්‍ය කර්මයකට දායක වනවා පමණක් නොව ඔබේ ශාරිරික හා මානසික සුවයටද ඉන් ලැබෙනුයේ මහඟු පිටුවහලකි. 

එබැවින් පිං කැමති ඔබ හා ඔබ දන්නා හඳුනන ලේ පරිත්‍යාගශීලීන් සමඟ පෙබරවාරි මස 17 දින විදුහලට පැමිණ මහත් ආනිශංස ලැබෙන මෙම පුණ්‍ය කටයුත්තට සහභාගී වන මෙන් කාරුණිකව මතක් කර සටිමු.